Aruba Bank ta orguyoso di a celebra nos cultura hunto cu Enkura, un banda dedica na revitalisa e herencia musical dushi y vibrante di nos isla y mantene esaki bibo pa nos futuro generacionnan.
Aruba Bank a reafirma su compromiso pa preserva, promove y celebra e legado cultural di Aruba.
Enkura a duna un tremendo presentacion durante e Parada di Lanterna dia 4 di september y e Parada Cultural dia 6 di september, tur dos organisa pa Fundacion Chico Harms. E banda a logra captiva e publico cu su zonido unico y ritmo contagioso di musica tradicional di Aruba.
E patrocinio di Aruba Bank a hunga un rol importante pa haci posibel e participacion di Enkura den e paradanan cultural aki.
Aruba Bank ta contento di por a contribui na e iniciativa aki y asina continua demonstra nan compromiso pa fomenta y apoya iniciativanan cultural den nos comunidad, cu ta enrikece e bida di tur Arubiano y ta contribui na preservacion di nos identidad cultural.
