Ministerio di Turismo a tene un reunion cu e ehecutivonan di Carnival Cruiselines, hunto cu APA y ATA pa discuti e ultimo desaroyonan di e mundo crucero. Segun Minister di Turismo, Dangui Oduber, a intercambia tambe e pronosticonan di e aña pa Carnival y pa Aruba. Tambe tur inversion cu ta haci di parti di Aruba pa upgrade producto Aruba, upgrade Cruiseterminal, upgrade e facilidadnan y tur otro inversion cu tin di haber cu turismo.
Durante e presentacion cu a duna e liña crucero, a presenta tur e inversionnan cu lo bay tin den 2020, entre otro e proyecto di Baby Beach, Boardwalk Malmok fase dos, e upgrading y renobacion di Bushiri Beach.
Tambe a presenta na nan e proyecto Port City, cu si tur cos cana segun planning e aña aki e lo mester cuminsa.
Inversion den embeyecimento di Welcome Plaza. Tambe lo bay upgrade e Cruiseterminal. A presenta nan e programa di certificacion (Aruba Certification Program). Ta un programa cu a wordo lansa e siman aki tambe cu ta Aruba Quality Steel. Den esey a bisa nan cu ta hopi inversion ta haci pa mehora e experiencia di e pasaheronan di Carnival y tambe e otro Cruiselinernan.
Loke tabata hopi positivo ta e hecho cu mayoria di e huespednan cu bin Aruba, e crucero Carnival mes of e otro cruceronan ta haci un encuesta entre nan pasaheronan cu ta nabega cu nan, riba guest satisfaction riba Aruba.
Esun di Carnival a score Aruba un 9.2 y Aruba a rank number 1 den tur e puertonan na mundo. Como destinacion Aruba ta number 1 entre pasaheronan di Carnival Cruise line, cual ta un noticia sumamente positivo pa Aruba pa tin un posicion asina halto den tur e otro destinacionnan cu ta nos competidornan.
Tabata un bon encuentro, segun e Minister. A palabra cu lo tin un follow up riba tur cos cu a discuti ariba. Despues lo follow up pa mira con lo traha mas estrecho cu otro.
