Diasabra den oranan di merdia a manda Polis na Cas di Cultura. A avisa cu un persona a bira malo y sak den otro dos biaha. Polis a bay pasobra no tabata tin rapid responder y ambulance disponibel e momento ey. Polis a yega mesora na e sitio.
A baha chek kico a sosode y ta resulta cu e docente di baile Diana Antonette a bira malo. Ta un persona cu tin un amor hopi grandi pa su trabou. Diasabra tambe el a bin dedica tempo na e muchanan pa cu baile. El a haya desmayo dos biaha.
Polisnan a keda warda riba ambulance pero nada. Despues di un ora finalmente ambulance a yega na e sitio. Paramediconan a atende cu Diana Antonette na e sitio y despues pidie compañanan den ambulance pa un chekeo mas avansa. E mes a cana subi ambulance pero cu man na cabes. Ta desea Diana Antonette pronto recuperacion.
