Diaranson e ekipo di Aruba den bowling pa Special Olympics a logra gana medaya di brons den nan categoria na Alemania, Berlin. Tabata tin diferente pais cu a hunga contra di nan y na final a logra e di tres puesto, cual ta un bunita logro.
E categoria ta ‘doubles’ y a consisti di Byron Lesire y Rashely Diaz Wester di Aruba. Byron a splica cu e tabata tin hopi nervio debi cu ta trata di un wega final p’e categoria. Esaki sigur a strob’e di duna su maximo. Rashely a conta cu e no tabatin nervio y e ta contento con el a hunga. Despues di e weganan a tuma lugar e ceremonia di premio.
Dilanti un publico yena cu famia, coach y otro invitadonan tur e teamnan a sali pafo pa asina por a menciona e ganadonan. Despues a continua p’asina duna cada un finalista nan medaya y tambe menciona nan nomber. Headlines Group, kende ta e cas editorial di 24ora.com y TREMPAN ta felicita Team Aruba pa nan participacion den e ‘World Games Special Olympics’ na Berlin.
Digicel users let’s support Special Olympics by donating Afl 1,- by texting 𝗕𝗘𝗥𝗟𝗜𝗡 to Nr 5151!
