Un rato pasa, Soul Beach Music Festival Productions a anuncia cu John Legend y Ella Mai ta artistanan principal pa Soul Beach Music Festival 2019. E festival lo tuma luga dia 22 pa dia 27 di Mei.
Ken ta Ella Mai
Ella Mai ta un cantautora Ingles cu a yega di competi den X Factor. A discubri’e riba Instagram door di DJ Mustard y desde e tempo ey, e ta kibra tur cartelera. Tabata su di tres produccion “Ready” hunto cu Boo’d cu rapidamente a yega number 1. Actualmente e ta nomina pa 2 grammy y tin tres soul Train Awards bao di manda. El a tour cu Bruno Mars y lo ta live na Aruba den Soul Beach Music Fest na Mei.
John Legend
E ta e prome Afro Americano y e di dos mas hoben cu a gana un Emmy, Grammy, Oscar y Tony Award. Trahando cu hendenan manera Roots, Rich Boy, Jay Z, Mary J. Blige, Janet Jackson, Will i Am, Estelle, Rick Ross, Rafael Saadiq, Kanye West, Andre 3000, Common, Melanie Fiona y hopi mas, e cantante, actor, compositor, filantropo y productor, John Legend ta un forsa. Cu su hitnan manera “Green Light”, “Glory”, “Ordinary People”, “Used to Love U”, y “All of Me”, no ta nada straño cu e ta un di e artistanan di mas grandi di tur tempo.
Un berdadero filantropo y un community advocate, John a join e national board di Teach for America y tambe ta forma parti di boards di The Education Equality Project, the Harlem Village Academies y Stand for Children. El a haci un donacion di 500 mil dollar na su high school, pa yuda renoba nan auditorium y a aparece den un short film hunt cu Oprah Winfrey, cu a cana na 13 diferente festival di pelicula.
Sigur cu e dos artistanan aki, como un di e atraccionnan principal durante e Soul Beach Music Festival, sigur lo pone Aruba den e spotlight.
