Camara di Comercio a organisa recepcion na honor di Aña Nobo

Diahuebs atardi, Camara di Comercio a invita comerciante y diferente otro partner, entre otro gubernamental, pa por pasa un rato agradabel hunto na honor di Aña Nobo.

Por a mira entre otro presencia di e directiva di Camara di Comercio, cu ta presidi pa su presidente nobo, Kawish Misier. Tambe a mira diferente comerciante di diferente sector.

Tambe tabata tey presente prome minister, Evelyn Wever-Croes, tabata tey presente minister Andin Bikker, como tambe minister Rudy Lampe.

Na dado momento e presidente di Camara di Comercio nobo, Kawish a duna un discurso na unda el a papia cu e aña aki e kier enfoca riba colaboracion cu diferente comerciante y asociacion manera Insurance Association, manera Bankers Association, etc.

Tambe el a duna e noticia cu lo tin na caminda un fondo di 20 miyon florin pa por ehecuta diferente proyecto comercial na Aruba. E kier stimula hopi loke ta e parti di modernisacion.

Ya caba Camara di Comercio ta introduciendo inscripcion digital di negoshi for di oficina. E tabata un atardi agradabel cu musica di steelpan.