Parlamentario Arthur Dowers ta kere cu loke ta pasando den e caso di detencion di miembronan di prensa, ta un caso bo cla di persecucion politico dor di un gobierno y un minister di husticia cu no tin un benul di loke nan tin cu haci.
El a mustra cu awor aki na Aruba pedofiel y criminalnan grandi ta wordo laga bay, pasobra no tin luga, pero ta detene miembro di prensa pasobra nan ta yega hopi lihe na un suceso.
“Tin menos atraco si bo cera Speed Andrade, Ross Tromp, Maritza Lacle of Marko Espinoza?” E ta puntra. No. P’esey e ta bisa cu e cos cu ta tumando luga aworaki ta condenabel.
No solamente ta haci daño na pais pero e reputacion di e pais aki.
Di “one happy island, ta bay pa one sad island”, unda cu cera hende solamente pasobra kier silencia nan. Mirando esaki, e ta puntra di con Ministerio Publico no ta investiga Politiconan cu ta cumpra medionan di prensa. Esey ta existi, unda cu miles di florin ta bay pa cierto hendenan. Esaki mi ta considera como “omkoping”.”
Awo ta haya un situacion unda cu ta uza tempo di Landsrecherche (gasta placa) pa investiga cierto prensa so, enbes di combati criminalidad. E ta haya cu si tin persona cu ta duna informacion na prensa contra reglanan, esey mester wordo regla disciplinariamente y no di e forma cu ta sosodiendo aworaki, uzando tur capacidad di Landsrecherche pa bringa e hendenan aki enbes di crimen.
Entre otro tin combersacionnan getap cu ta mustra cu tin hendenan meti den crimen cu no a ni ta wordo investiga, cu si a trece un peligro grandi pa pais Aruba.
Si Landsrecherche kier sa cual caso, e por bisa nan di esaki, pasobra tin mas persona cu sa di e casonan aki.
