Tin areanan cu no ta habita, pero cu tin sushedad cu ta causa criadero. Segun Clayton Croes director di GKMB, esaki ta funciona di dos manera. GKMB coriendo den e diferente barionan aki ta haya esaki y ta soluciona esakinan on the spot.
Tin diferente tarea cu ta wordo ehecuta pa e departamento. Un total di 13 diferente tarea y esaki ta un di nan. Un focus specifico riba e sitionan cu ta conoci di tin ophoping di sushi ilegalmente, cu claro por causa problema di criadero potencial den cierto barionan. Di e mesun manera, respondiendo na e yamadanan di comunidad, unda ta bisa cu ta tal caminda nan a mira ophoping di sushi y ta pidi cooperacion di GKMB pa trata esakinan debidamente. Tambe e cooperacion intenso cu tin cu otro instancia den Gobierno, un DOW, un City Inspector, Polisnan di bario cu ta contact GKMB regularmente, pa nan por duna e asistencia debido. Pero e ta keda un problema. Den pasado a yega di haya cu tabata tin criaderonan na gran cantidad, unda cu jammer genoeg, tabata tin ophoping di taira y esakinan ta causa un molester di sangura pa e diferente barionan aki y di e mesun manera, una bes cu tin un populacion halto di e sangura pata blanco, e posibilidad pa por transmiti malesanan tambe, ta bira mas halto y en berdad a mira cu tabata tin dos caso a lanta. Danki na e reaccion hopi lihe di GKMB, esakinan a wordo gedempt inmediatamente. Ta bisa semper cu tin cu corda cu e sanguranan no ta biba den bo cura so of ta pasa malesa pafo di bo curaso. Si como doño di cas ta ruim op tur sushi rond di cas y ta tiranan patras den cura, no necesariamente e sanguranan ta keda patras di cura. Nan ta pasa over di cura. Como ciudadano cu ta deshaci di sushedad no apropia, Croes a splica cu lo sufri di esey tambe despues. E ta keda un problema y sigur ta bisa cu pidiendo cooperacion y di e mesun manera cu como ciudadano mester duna nos medio ambiente un prioridad y bisa cu di e mesun manera deshaciendo di sushedad na e manera corecto, por percura tambe pa sigur cu e populacion of criadero inecesario di sangura, por wordo evita.
Material suficiente
Clayton Croes, di GKMB a sigui splica cu nan ta mira tur e materialnan cu ta wordo uza, ta materialnan recomenda internacionalmente. Material cu ta wordo getest tambe pa wak si nan ta traha debidamente y di e mesun manera ta materialnan cu solamente ta wordo permiti pa wordo uza na Merca y Hulanda, ta materialnan cu ta wordo uza na Aruba. Di e mesun manera, ta materialnan cu ta wordo uza pa hopi aña caba, cu ta materialnan efectivo y di e mesun manera materialnan innovativo tambe, cu ta hopi biaha odorless, nan ta materialnan sintetico hopi mas profesional cu ta wordo uza den pasado. Nan tin nan prijs. Claro cu esaki ta importante pa sa cu una bes cu bo traha na e manera mas innovativo y eficiente, tin su prijs. Como departamento, esaki ta bayendo hopi bon. Semper ta bisa cu e stockpile mester ta na su luga y por bisa cu orguyo cu esaki ta cla caba tambe pa e proximo periodo. Tin material y experiencia den cas, mankracht ta den cas. Tin un grupo hopi motiva di inspectornan bon cualifica tambe, cual ta importante y ta sigui traha riba esaki. Tanto bal bo tin materialnan importante y bo no tin e ekipo of personal pa atende cu esaki debidamente. Awor aki tin un grupo grandi pa bay Cuba pa nan tuma curso y sigui mehora nan calidad di servicio y nan conocemento di Entomologia y vector control. E parti mas importante ta e mapeo. Pa planea e tareanan debidamente. Tambe tin dos hende na Trinidad, yegando awe bek y cu un biaha mas ta duna e servicio optimal cu GKMB por brinda pueblo di Aruba, segun Croes.
