Aquannette Gunn, parlamentario di fraccion MAS, tabata presente n’e siguiente edicion di Foro Nacional Pa Adulto Mayor diamars mainta na Hilton unda por a saca afo varios cos entre otro cu sigur ta falta hopi ainda pa haci riba loke ta cuido y bienestar di nos adultonan mayor na Aruba. El a enfatisa riba e necesidad pa tur gobernante pone esaki tambe como prioridad.
A ricibi informacion durante e Foro tocante un Werkgroep reparti den tres grupo: e adulto mayor cu ta hiba un bida ainda basta activo, con pa traha riba esaki pa por percura cu e grupo aki tin actividad pa haci. E presentado a indica cu practicamente ta rekeri di hopi hendenan cu por haci trabaonan boluntario,pasobra te na e momentonan aki ta depende di subsidio di parti di sector priva y tambe di gobierno. A haci un peticion serio na gobierno unda ta pidi pa bini cu e pasadia aki den tur bario posibel nan tin pensa di cuminsa cu dos proyecto piloto. “Pero ta haci peticion si na tur persona cu ta sinti nan mes yama pa por ta boluntario y yuda den e proyectonan por ehempel actividad, charla informativo, pa por aporta na esaki.”
Tin e grupo di adulto mayor cu ainda ta rekeri di cuido pero ainda nan por keda den nan propio cas, pero nos ta sinta ainda cu e problema – manera Gunn a indica na october 2023 durante e prome Foro – mayoria adulto mayor ta dispone di pension di AOV solamente, y practicamente awendia si nan tin yiu mes e yiunan tin cu traha pa asina por cumpli cu aspectonan financiero. “Dus bo ta haya atrobe cu nan ta cay den un situacion di soledad cu nan no ta haya e cuido cu tin mester, cu ta dificulta nan situacion.”
Por lesa mas riba TREMPAN.COM.
