VVD ta fada di Aruba, Corsou y Sint Maarten. Segun Parlamentario Andre Bosman, Hulanda semper mester carga cu e problemanan. E kier pa Hulanda caba cu e relacion.
E proposicion aki a causa un debate hopi fuerte den Tweede Kamer. D66 ta acusa Bosman (VVD) di comportacion “colonial”. E Parlamentario di CDA Chris van Dam, ta bandona reunion rabia ora cu compara e islanan cu “adictonan di alcohol.”
Segun Bosman, yega na un acuerdo “ya no tin sentido” pasobra e Gobernantenan di Caribe no semper ta adheri na nan. Nan ta creando problema durante varios aña, mientras cu ta culpa Hulanda ora cosnan ta bay malo, VVD ta bisa.
“Trata e islanan como adictonan di alcohol”
Segun e partido di coalicion CDA y e partido di oposicion GroenLinks, esnan VVD ta bandonando e habitantenan di e tres islanan autonomo. E partidonan ey ta bisa di ta mira e desaroyonan positivo den e islanan, specialmente bao “di e generacion nobo.”
“Cual ta e storia cu VVD ta manda direccion di e personanan aki?” Van Dam (CDA) ta puntra. E ta bay rabia ora cu Bosman compara e islanan aki cu adictonan di alcohol.
Segun VVD, sigui yuda ta “un pensamento colonial.” “Mi a pasa den esey,” Bosman a bisa Van Dam (CDA). “Nos mester empodera e hendenan.”
“Comportacion colonial”
Otro momento notabel durante e debate tabata e clash entre e socionan gubernamental VVD y D66. Segun Parlamentario Antje Diertens (D66), precisamente Bosman ta esun awo “colonial”, purbando di determina con e relacion mester ta entre Hulanda y e islanan.
“E steam ta sali for di mi horeanan,” Diertens ta bisa durante su pauze. E partidonan D66, GroenLinks y CDA ta considera e historia di VVD “biña bieu den saco nobo.”
VVD ta priminti boternan di biña y un dinner: “E cooperacion cu e islanan no ta yegando.”
Tanto VVD como SP kier pa skirbi e Statuut di nobo, cu ta mustra “claramente kende ta responsabel di kico.” Hulanda ta depende di e cooperacion di e islanan.
E Secretario di Estado Raymond Knops (Relacionnan di Reino) a priminti Tweede Kamer pa traha cu e islanan riba esaki. Bosman ta dispuesto pa bet dos “bon botter di biña y un cena” pa mantene e islanan aleha.
Ya caba un dia prome cu e reunion Bosman a bisa di no ta mira sentido pa yega na areglo of palabracion cu e islanan, pasobra nan no ta mantene nan mes na esaki. “Ta miho coy e Statuut y tire den prullebak,” Bosman a bisa.
Hulanda por sali for di e Statuut?
VVD a haci previamente un serie di pregunta na Secretario di Estado Knops. Bosman ta conclui di e respuestanan cu Hulanda mes por sali for di e Satuut. Si e conclusion aki ta uno corecto y si e Secretario di Estado Raymond Knops lo kier, esaki lo ta revela diahuebs. Pa banda di 12or di merdia, ora di Hulanda, Knops lo duna Tweede Camer su contesta.
Statuut
E documento aki ta data di 1954, a wordo adapta un par di biaha y ta regla e relacionnan entre e 4 paisnan. “Pero si niun hende na e islanan ta mantene nan mes na e palabracionnan, pakico Hulanda si lo mester mantene su mes na e reglanan,” Andre Bosman a puntra.
Segun e Parlamentario aki, “e islanan ta haci loke cu nan kier. Sint Maarten tin su di 9 Gabinete den dies aña, Aruba tin un mega-debe y ta nenga di pone cos na ordo. E Statuut no ta funciona.”
P’esey e kier pa den forma unilateral Hulanda bandona e Statuut. “Dado momento cos ta cla.” E liberal ta haya cu e relacion of cooperacion entre e cuatro paisnan mester wordo revisa. E Statuut ta data di tempo colonial.
