For di juni caba parlamentario Hulandes Andre Bosman, ta na altura di e persecusion di Marisol Lopez-Tromp cu a caba den su retiro recientemente.
El a splica cu e ultimo biaha cu e minister tabata presente den Parlamento tabata durante e reunion di spearfishing. No sa si spearfishing ta un pilar economico di Aruba, pero e tabata asina importante cu a trece e mocion di desconfiansa.
Bosman ta pensa cu esaki tabata un excusa y cu claramente nan kier a deshaci e minister y a tuma un momento ideal pa por deshaci di dje.
Ex minister Otmar Oduber tabata tras di esaki tambe. Marisol Lopez-Tromp ta hopi estricto cu su maneho. El a bin topa cu documentonan straño riba e incinerator na Serlimar. E poder cu ta tras di esaki, segun Bosman. Oduber tabata riba un posicion clave, un minister anterior y cu claramente tabata asesor di e gobierno, cu tambe tabata riba un posicion clave, apesar cu el a retira pa rasonnan di salud. Pero toch e tabata activo tras di cortina.
E posicion aki, Marisol Lopez-Tromp a tuma over, toch e tabata kier tin di bisa. Bosman tin Serlimar na curason y tambe ta bezig ta divulga cierto cosnan. Tin hopi cos a sosode.
Booshi Wever tambe ta hopi activo riba esaki y a haci denuncia. Bosman kier sa kico a pasa cu e denuncianan aki. No por ta asina cu na e manera aki placa ta disparce y ta beneficia amigo y famianan cu tereno of recortenan den Belasting.
E posicion di Evelyn Wever-Croes
Prome minister Evelyn Wever-Croes a fungi como mediador pa asina minister Andin Bikker y minister Marisol Lopez-Tromp keda na mesa. Tur cos a bay bon. Sinembargo toch a sosode cu nan a entrega e retiro di Marisol Lopez-Tromp.
E mocion entrega den Parlamento no tabata valido. No tabata tin un mayora den parlamento y esaki ta haci e mocion aki ilegal. Henter e asunto aki den parlamento, hunto cu e presidente di Parlamento, kende a hunga un papel importante y casi ta un vocero di Parlamento, cual cu e no ta, Bosman ta mira un discrepancia.
E ta preocupa cu Prome Minister tin un cartera hopi druk y asina mes a tuma un cartera adicional, prome cu e supervision di Hulanda bin.
Esaki sigur lo bay bin sigur, segun Bosman. Esey ta si Aruba, Corsou y Sint Maarten acepta e condicionnan pa e pakete di sosten di corona.
No tin ningun “onwerkbare situatie”
Esaki sigur ta un pretexto, segun Andre Bosman. E problema ta cu na momento cu bay en contra y lo a trece corupcion p’adilanti, ta haci hopi contra un hende cu ta cana drechi. Mesora e supervision ta bin for di Hulanda y lo bay wak unda e placa lo bay.
