Diabierna awo tin parada di carnaval di Colegio Laura Wernet Paskel

Diabierna 14 di Februari muchanan di Colegio Laura Wernet-Paskel na Kadushi Largo, pa di 41 aña ta celebra Carnaval cu un parada. E parada aki nos ta celebra hunto cu scolnan den bario. Si, nos ta cla pa celebra carnaval 66. Nos ta cuminsa cu e celebracion mainta cu e eleccion di nos figuranan carnavalesco, pa despues atardi nos subi caya cu nos parada. 

E aña aki e parada lo sali 5.30 or di atardi for di veld di Sportboys club y ta termina na e parkinglot di Colegio Laura Wernet-Paskel.

E parada ta sali bira na Angochi bin pabou te na e crusada di Sero Compa y Kadushi Largo, bira na bo man drechi, bay den direccion di scol. 

Na final ta pidi tur mucha cu ta participa na e parada, pa drenta den cura di scol pa warda nan mayornan.

Colegio Laura Wernet Paskel tin como tema e aña aki:    

Image may contain: 10 people, people smiling, people on stage and people standing

Diamonds, Flowers, hearts & spades, that’s how we celebrate’  

E tema ta un fantasia di un baraha di e wega di carta.

Un y tur ta keda cordialmente invita pa bin presencia e parada di Colegio Laura Wernet-Paskel. Nos ta warda boso tur sin falta, especialmente e pueblo di Santa Cruz , diabierna awor 14 di Februari for di 5.30 or di atardi, pa apoya nos muchanan banda di caminda.

Un deseo di un Feliz Carnaval 66 pa henter pueblo di Aruba.