Diabierna ultimo Colegio San Augustin Mavo tabatin un Sportdag. E Sportdag aki a wordo organiza door di e alumnonan di examenklas.
Esaki ta forma parti di e tareanan cu nan tin pa loke ta e materia “gym”. E alumnonan mester a percura pa diferente parti di e organizacion, esta ehercicionan, luga (community pool), cuminda, bebida y entretenimento. E ultimo aki tabata e sorpresa di dia, ora cu cantantenan di e popular banda “Buleria” a bini pa duna un tremendo presentacion y a anima tur e alumnonan. Colegio San Augustin ta felicita alumnonan di examenklas pa e organisacion di un tremendo Sportdag y ta gradici “Buleria” pa nan aporte.
