Altocomisario Ramon Arnhem actualmente ta na Hulanda pa un serie di reunion cu ta tumando luga entre e Cuerpo Policial di Aruba, Corsou, Sint Maarten y Hulanda, n’e academia di polis na Apeldoorn.
Hopi polis ta haci nan estudio specialisa n’e instituto aki y sigur e temanan entre otro ta e colaboracion entre cada un di e paisnan aki y e academia di polis.
Altocomisario Arnhem a comenta cu e proposito ta pa investiga posibilidad di colaboracion cu e academia di polis. E ta hunto cu e altocomisario di Sint Maarten y tambe cu un delegacion di Corsou, p’asina papia cu e directiva di e academia di polis.
Ta trata di cinco tema cu ta entre otro SGBO, Leidingskorps ontwikkeling, incidentmanagement, Bario Zorg, Inteligentie y opsporing, den colaboracion cu diferente academia den nos region. Esaki ta trata di e preparacion pa por deal cu casonan mas grandi y complica manera desaster natural y otro incidente grandi.
Tambe tin dos strategia principal policial den e organisacion cu ta community politie y inteligence based policying. Community Politie ta nifica cu e polisnan di bario lo haya un papel hopi mas importante den e organisacion. Pa por logra esaki kier inverti den nan, pa nan ricibi un preparacion.
Ta den combersacion cu e directiva di e academia di polis na Apeldoorn. Cuerpo Policial ta den un proceso di desaroyo y ta investigando kico ta pas den e contexto di Aruba. Ta importante cu loke haya aki mester cuadra den e contrast di Aruba, cual ta hopi importante, segun Korpschef Arnhem.
Aruba y Hulanda tin un historia largo hunto. Tin hopi polis cu ta trahando den Cuerpo Policial cu a bay e academia na Apeldoorn. E relacion ta existi ya un tempo y ta uno hopi bon.
Altocomisario Arnhem a sigui splica cu e mes a atende e academia aki prome cu el a bira polis. Solamente ta buscando awo e cuadramento di e opleiding y p’e region. Loke e ta haya importante cu no ta dependiente di e academia aki. E kier sigur trece e conocemento y e experticio Aruba, p’asina aki mes por sigui desaroyo. Kier traha cu nan riba un base igual. Ta un desaroyo y mester haya hunto con bon lo haci esaki.
TA HAYA FALTA DI SU CUERPO
E biahenan cu altocomisario Arnhem ta haciendo ta basta pisa. El a conta cu e ta haya falta di Aruba y e ta biahando hopi. Pero esaki tambe ta na beneficio di Aruba y specialmente na beneficio di Cuerpo Policial.
Pa ta honesto, Arnhem ta prefera pa ta na Aruba den su cuerpo. Pero loke ta haciendo ta importante pa Aruba. Si ta p’e, e ta coy su cosnan y bula bay p’e ta entre su coleganan y e comunidad Arubano. Pero loke e ta haciendo ta importante p’e desaroyo di e cuerpo y reforsa e cooperacion. E ta leuk pa ta afo un rato, pero e kier bay bek Aruba awo, ta loke altocomisario Ramon Arnhem a comenta por ultimo.
