Metabolic Foundation ta trahando riba e proyecto Surfside Science, cu ta sosteni pa fondo di Union Europeo. Surfside Science ta un proyecto cu ta traha riba metodonan economico y replicabel pa midi medio ambiente.
Den a caso aki a midi cambio den tamaño di nos islanan di rif. A compara e midi di 46 islanan di rif basa riba imagen di aña 2002 y 2022. A midi cambio den tamaño y forma.
Islanan di rif ta funciona manera un muraya cu ta proteha Aruba di mal tempo strobando ola di lama di yega na canto ademas nan ta proteha nos costa contra subida di nivel di lama causa dor di calentamento global. Ademas nan ta crea ecosistemanan valioso.
Lastimosamente isla di Rif ta hopi vulnerabel pa cambio di clima dor cu nan area di isla ta basta abao, chikito y mas tanto nan ta consisti di elemento nan cu ta drif bay manera santo. Esaki a pone cu e team di Metabolic Foundation tabata interesa pa wak e estado di Aruba su islanan di rif.
A uza e programa gratis ‘Google Earth Pro’ (GEP) pa midi e cambionan. Den e programa aki por mira imagen di satellite den cualidad di resolucion halto fe aña 2002 te awo. Ademas a crea un tutorial riba YouTube unda ta splic’e na placa chikito con a midi e cambionan por wak esaki na:
E resultadonan di e investigacion di islanan di rif nan entre aña 2002 y 2022 ta mustra Casi tur isla a bira mas chikito como tambe mas compacto y rondo. Ademas por mira cu 5 isla a fractura y 15 isla midi na 2002 ta parce di ta bou awa pa varios dato na 2022.
Christie Mettes di Metabolic Foundation a presenta e estudio aki riba 28 Juni durante e Dutch Caribbean Research Week 2023. Por mira e presentacion riba e pagina: science.brenchies.com/reef-islands/. Por sigui e trabao di Surfside Science riba e pagina aki of riba e cuenta di instagram @brenchies.
Pa cualkier pregunta haci contacto tambe con e-mail na [email protected].
Surfside Science ta haci posibel dor di fondo di Union Europeo y wordo guia dor di RESEMBID cu ta un programa cu ta sostene desaroyo humano sostenibel di paisnan y teritorio Europeo den Caribe (OCTs), di cual Aruba ta parti. RESEMBID ta financia dor di Union Europeo y su partner di implementacion ta Expertise France. E ultimo ta un agencia di colaboracion pa desaroyo di Gobierno Frances.
