Altocomisario di Polis, Andrew Hoo, tabata patruya su mes tambe den Colony durante dia te cu atardi diasabra. E tambe a sali busca ilegalnan cu a yega tera den marduga. Un total di 25 ilegal a drenta y varios a wordo gara diferente orario di diasabra.
E hefe di Polis ta conciente di e problema cu tin pazuid. Esey no nifica cu bo mester purba drenta Aruba den forma ilegal.
E ta trahando duro pa keda cla cu un Helicopter pa Polis. Ya caba tin como 19 compania cu a mustra interes pa participa den destaho publico.
Tambe ta trahando riba e radarnan pa Polis y asina hunto cu demas Departamentonan traha mas cerca pa preveni entrada di e botonan. Ta gara nan mesora for di riba lama prome cu yega tera y cu tur hende abordo. Polis ta consciente cu hopi di e hendenan aki sa trece arma y droga tambe durante nan biahe.
