No core auto y text. “E ta trece peliger cu’ne… Te cu bo por mata un hende!”. Esey ta loke cu Alto Comisario di Polis, Andrew Hoo a comenta.
Paga atencion riba nos careteranan. Nos a dicidi di laga nos telefon un banda ora nos ta tras di stuur. Abo tambe? Join the movement!
Alto Comisario Andrew Hoo si a join.
E den un video hopi interesante di Kiwanis, hunto cu New India Assurante, e ta splica di e consecuencianan cu tin ora cu un hende ta core auto y kier wak ki mensahe a drenta riba su celular. Atencion ta kita for di trafico y esey por causa cu bo auto ta haya daño, bo por herida un hende of hasta mata un hende.
E ta enfatisa cu “Text & Drive” ta contra ley awo. No haci uso di ningun aparato den auto y focus riba caminda.
