Un peaton a filma diasabra anochi un explosion den e bario Geuzenveld, na Amsterdam.
Riba e filp por a mira con dos persona a rementa un machin di ATM y despues a huy riba un brommer.
E explosion cu a tuma luga riba Lambertus Zijlplein, a sosode banda di 10:30 di anochi, tabata remarcablemente notabel durante anochi: riba e plenchi tabata tin varios persona presente. “Nan ta loco, asina ta, laga nos haci esaki,” e creador di e video a bisa.
E causantenan a lanta nan brasa tambe na momento cu nan a pasa e homber cu tabata filma na e momento ey. No ta conoci si nan a bay cu placa.
Riba e mesun plenchi na October, delincuentenan a purba di rementa un ATM. Esaki ta e di dos den un serie explosion c a afecta Amsterdam na fin di aña pasa.
Den ningun di e explosionnan e delincuentenan a haya hopi placa, pero si nan a causa hopi daño.
Medio Januari a detene dos homber di 22 y 26 aña. Esun mas jong a recobra su libertad diaranson, pero ainda e ta un sospechoso.
