All To Car a habri aña cu productonan nobo, prijsnan atractivo, y descuentonan special pa tur nan clientenan. Dos dia di locura di prijsnan, specialmente pa celebracion di Dia di Betico.
Esnan cu drenta All To Car awo lo ripara un plataforma completamente diferente, cu un cantidad di producto, inclusive a haya representacion di e popular airco marca Chigo. Tur cos ta na prijsnan special, prijs di baca flaco, manera e dicho crioyo ta.
Nan tin e seccion nobo di airco unda cu esnan di 9 mil BTU ta bay na un prijs special di solamente 599 florin, un prijs cu bo no ta haya ningun caminda; pa e cambernan un tiki mas grandi cu mester di uno di 12 mil BTU, esaki ta costa 639,25 florin. Esnan di 18mil BTU ta bay pa 989 florin y pa esun di mas grandi, di 24 mil BTU ta bay pa un poco mas cu 1300 florin. Nan ta bin cu diferente garantia.
Pero tambe nan tin cortinanan di biento special, cu ta wanta e friu paden y na mesun momento ta yuda den e consumo di coriente y esakinan ta costa 289 florin. E cortina tin dos speed di biento y esun mas grandi ta 329 florin y 379 florin. Di e forma aki no ta forsa e airconan tampoco den e negoshinan cu tin nan portanan habri.
Tambe tin e frigidairenan marca Chigo cuminsando cu prijsnan di 399 florin, specialmente pa apartamento, pero tambe di 459 florin cu ta di un tamaño mediano (cu tin un freezer chikito tambe). E aparatonan aki tin tres aña di garantia.
Na All To Car, situa dilanti di APA riba Boulevard, nan tin un seccion cu prijsnan special pa celebracion di Dia di Betico, unda tin descuentonan di 25 pa 50%. Nan tin materialnan pa bay disfruta di beach, manera parasol, icejug, mesa, y stulnan special. Pero tambe tin tentnan cu por wordo uza durante temporada di carnaval of campamento. Tambe tin stulnan special of hamaca cu por uza tanto na lama como pa jardin, individual of duo.
Tur e prijsnan aki ta di cash and carry y pronto tin un Sistema di financiamento.
