Si tur cos sigui cana manera ta bayendo, otro siman Marisol Lopez Tromp un biaha mas lo huramenta como Minister. E biaha’ki como Minister pa e partido Pueblo Orguyoso y Respeta (POR).
Otmar Oduber, lider di POR, algun luna prome cu aña finalisa a informa cu dia 12 di december, 2019, e ta entrega su retiro como Minister y cu su reemplasante lo ta Marisol Lopez Tromp. Apesar di e anuncio aki hopi adelanta, awe mas cu un luna despues di su retiro ainda e Minister nobo no a huramenta.
POR ni otro partnernan den coalicion no a toca e tema ni e motibonan di e tardanza siendo cu Lopez Tromp a pasa e screening. Aña a bolter y no a tende nada te cu awe ora cu por a scucha y lesa riba rednan social cu awo si tur cos ta cla pa e huramentacion tuma luga otro siman. 24ora.com a haya confirmacion di esaki pero un splicacion pa e tardansa no tin. Hecho ta cu Marisol Lopez Tromp a entrega su retiro como miembro di Parlamento awe.
Esaki ta nifica cu por cuminsa cu e proceso pa Dellanire Maduro su credencialnan wordo aproba y e drenta Parlamento. Un cara nobo mas den e organo aki.
