Recientemente Algemen Rekenkamer (ARA) a publica un rapport riba e topico di ayudo financiero di FASE, den cua a investiga eficiencia y eficacia riba e prome mita aña cu a otorga FASE, esta di e periodo di maart 2020 te cu augustus 2020. Relaciona cu esaki, Frances Xiomara Croes-Williams, presidente di ARA, a bisa cu nan a enfrenta algun reto cu publicacion di esaki ya cu e mester tabata un investigacion den ‘real-time’, pues un investigacion mientras cu e FASE tabata andando.
Esaki ta loke a pone cu e rapport a tarda y tambe e college mester tabata completo. Pa e ultimo aki su persona y un otro colega a huramenta, haciendo cu e college a bira ‘voltalig’ y por a termina e rapport. Pues, e rapport mes tabata cla, pero e ultimo parti, esta e ‘nawoord’ skirbi pa ARA mes a pone cu e publicacion a tuma luga mas laat cu a premira.
Pa un relato mas amplio, lesa edicion di TREMPAN.
