No ta tempo pa biba den ignorancia mas, Cristo Hesus su binida ta cerca ,pasobra mescos cu maldad ta propaganda su mes tur dia riba e mundo aki, e berdad no por wordo scondi.
Ta basta haci wega cu alma di hende, pasobra mita berdad tambe ta mentira (Hebreonan 9:27).
Pa evita cu hende lo biba henter nan bida y nan final lo ta den fierno, Dios a duna su Yiu unigenito pa ken cu kere den dj’E no bay perdi ma tin bida eterna (Juan 3;16).
Den esaki mundo henter por mira con halto e costo di pica ta pa nos bida.
Ta tempo pa tur hende realisa ken ta enemigo di Dios, y con pa drecha relacion cu Dios, pasobra cielo y tera lo pasa , pero Dios su palabra lo no ta pasa. Y si un hende su nomber no a wordo haya skirbi den e buki di bida e a wordo tira den lama di candela (Revelacion 20:15)
Boso almanan adulterio, boso no sa cu amistad cu mundo ta enemistad pa cu Dios. P’esey ken cu kier ta amigo di mundo ta haci su mes enemigo di Dios (Santiago 4:4).
Na medida cu temor di Dios ta cabando riba e mundo aki, y hende ta bibando den inmoralidad, e ta hopi visibel ken tin amistad cu Dios y ken ta den enemistad cu Dios.
Si bo ta mira cu un hende ta biba un bida cu no ta agrada Dios y e sa esey, no ta cuenta di husga hende, ta su comportacion y su actitud cu ta haci bofon di Dios, ta e prueba original di su enemistad cu Dios.
Awendia asina bo kier coregi un hende, nan ta bisa bo:Esun cu ta sin pica tira e prome piedra, esey ta un frase pa silencia bo, pa bo no bisa nada, pasobra e spirito malo cu tin riba nan bida, kier keda mantene dominio riba nan,
Y bo palabranan di coreccion ta hacie intrankil, p’esey nan kier haci tur forma pa bo keda keto y no mete. Pero ningun hende no tin bida priva dilanti di Dios.
Salmo 103:3 ta para skirbi cu Dios ta pordona tur nos picanan, y ta cura tur nos enfermedadnan.
Mirando e bondad di Dios y su misericordia, bondad, amor, compasion y tolerancia, toch hende ta sigui haci bofon, sigui afilia na scuridad.
Asina converti nan mes den enemigo di Dios, haciendo pica conscientemente, rechasando e palabra y inventando tur tipo di fabula cientifico, pa asina no somete na Dios.
Palabra di Dios ta bisa somete boso mes na Dios, resisti e diabel y e lo huy for di boso (Santiago 4:7+8), pero nos tur sa cu hende den desobediencia no ta somete nan mes na Dios, y nan ta habri porta pa e enemigo por fiesta den nan bida.
Tur hende cu ta biba den pica conscientemente y ta rechasa palabra,y principionan di Dios, y no kier arepenti, ta haci bofon di Dios, ta converti nan mes den enemigo di Dios.
E yiunan ta e ultimo ora: Y mescos cu boso a tende cu anti Cristo ta bin, asina awor aki caba hopi anti Cristo a lanta na esaki nos sa cu ta e ultimo ora. Nan a sali for di nos pero nan no tabata realmente di nos (1 Juan 2:18).
Tira un bista riba mundo, cuanto hende ta rebeldia contra Dios, awel tur esey nan tin e spirito di anti Cristo. Ta tempo pa nos tur realisa bon kico ta pasando.
Dios tene misericordia.
