Dialuna mainta tempran ora cu e prome docente a yega Scol Dornasol na Sabana Basora, a constata algo straño. Como cu e tabata e ultimo persona pa bandona e scol diabierna, el a ahaya straño cu e porta di e sistema di coriente, unda tambe ta warda algun material, tabata habri.
Ora cu el a yega cerca, a bin constata cu e bula e slot, cu tabata tira na suela, pa habri esaki. Ta parce cu ladronnan a kere cu eyden lo tin algo di horta. Pero loke cu tin den e espacio ey tabata e cash’i coriente. Ora cu nan a purba bay habri un otro porta, alarma mester a cuminsa zona, ya cu nan no a sigui bay paden. No a bay cu nada.
E hecho aki mester a sosode ayera despues di 10’or di anochi y oranan di madruga. Segun por a compronde, siman pasa caba a forsa e porta grandi di hero dilanti, pero no a bay paden.
Kico e ladronnan ta busca, e docentenan no sa, pasobra den e scol no tin nada di horta cu no ta material di scol. Polisnan a bini na e sitio y a tuma datos.
