Parlamentario Alan Howell a indica di ta contento cu Minister Dangui Oduber ta inicia cu reconstruccion di e pier na Rodgers Beach. Durante reunion publico den Parlamento pa trata e presupuesto di Tourism Product Enhancement Fund (TPEF) pa aña 2019, e mandatario a contesta preguntanan haci door di Howell relaciona cu desaroyo na San Nicolas y ey a garantisa cu pariba lo haya e atencion mereci.
Esaki ta un di e motibonan principal pa cual Alan Howell a vota na fabor y a para duro tras di e presupuesto di TPEF. “Awe Minister Dangui Oduber ta cumpli y ta anuncia cu ta bay cuminsa e siman aki reconstruccion di e pier na Rodgers Beach y di mes duna e area un “face lift” nobo tambe. “It’s not always easy but we must keep on fighting to make and bring that change”, asina e Parlamentario di POR a declara.
