Despues c’un persona a acerca 24ora su redaccion riba su preocupacion cu ta bay bin impuesto riba tip, di biaha nos a cuminsa busca informacion cerca e gremionan. Un di nan ta AHATA, cu no por a duna mucho informacion pasobra nan no ta forma parti dje comite di reforma fiscal.
Tin dos cu mester mira cual ta service charge y tip. Service charge ta un porcentahe cu un restaurant ta pone automaticamente riba cuenta pa nan servicio, mientras tip un persona ta ricibi boluntariamente fo’i un cliente por ehempel un turista of un persona local. Pa ley mester paga impuesto riba service charge, pero e tips cu un persona ta ricibi den su man no ta paga impuesto. Tur cos ta haci conforme ley.
Varios luna pasa AHATA a mira e reforma fiscal y aki tin varios informacion cu gobierno ta considerando, cual un di nan introduccion impuesto riba tips boluntario. Esun cu por duna mas informacion si di berdad tin planea pa bin cu impuesto riba tips boluntario ta director di Departamento di Impuesto (DIMP) of Minister di Finanzas.
Awo, si un dunado di trabou por ta haciendo actualmente algo fout, e ora nan mester papia cu ne door di sinta hunto y pasa riba e payslip. Hopi bes hende ta mira nan payslip y no ta compronde algo, y ta bira bisa algo. Esey por conduci na confusion. P’esey ta importante na momento di lesa un payslip, pa puntra si tin algo no comprendibel. Ta un posibilidad cu riba payslip ta pone service charge y conforme ley, esey mester cobra impuesto riba dje.
Tisa LaSorte, CEO di AHATA, a bisa cu nan no ta forma parti dje comite di reforma fiscal. P’esey nan mes no sa kico ta planea.
