Por a tuma nota di desaroyo relaciona cu barco di fruta y berdura y esey sigur ta afecta e sector di cuminda y bebida na Aruba. Por a mira den e ultimo siman cu e restaurantnan tabata falta di fruta y berdura. Esaki a afecta e menunan cu semper e restaurantnan ta produci, segun Fernando Dirksen, relacionista publico di Aruba Food & Beverage Association.
E miembronan di AFBA ta preocupa y ta spera cu pronto bin un solucion. Ta purba pa mira kico por haci en espera di yegada di barco. Por ta mester busca otro solucion, manera produci fruta cu berdura aki y cumpra aki mes. Tambe tin posibilidad pa habri frontera cu Venezuela pa tin e productonan mas cerca y tin mas cos cu por haya di biaha, segun Dirksen.
Esaki ta un ehempel bibo dicon un frontera cu Venezuela por ta habri pa evita tipo di situacion asina. Segun Dirksen, si habri frontera por evita cu cos asina pasa den futuro. Tambe pa por tin mas producto, na luga di warda pa nan bin te fo’i Miami manera esun cu a pega recientemente.
Pa mas cobertura lesa TREMPAN.
