Den oranan di atardi a sosode un accidente riba e caminda di Dadelstraat cu Caya Papa Juan Pablo. Un Accent shinishi a dal den un SUV.
Despues di e impacto e chauffeur di e Accent a busca manera di core bay pa Polis no pone man riba dje. E auto no por a core mucho leu. Den Potrero Weg e chauffeur a baha core bay laga e auto. A haci investigacion y e chauffeur lo ta biba den Bushiri.
Polis a bay na e adres pero no a topa cune. Polis di trafico a haci investigacion na e crusada y despues bay tambe na Potrero Weg caminda a confisca e Accent. Motibo pakico a core bay no ta conoci. E impacto tabata basta fuerte.
