Polis a yega den Koningstraat pa atende cu un accidente, cu na prome instante a kere cu lo tabata un chauffeur burachi. A bin resulta cu ta un wiel a laga bay y causa daño na un otro vehiculo staciona.
Esaki a sosode diaranson marduga, den careda di 1:15 am den Koningstraat ora cu polis a presenta y topa cu dos vehiculo cu basta daño material. Prome cu tur cos a bay sigura cu ocupante (nan) tabata bon.
Un Nissan Skyline a baha na su man drechi y bay dal den un Toyota Yaris staciona riba acera. Prome impresion tabata cu ta trata di un persona bou influencia, pero a ripara mesora cu no tabata e caso. Un dama chauffeur a baha tur spanta pa tuma nota cu e wiel di e auto a laga bay y pone baha di golpi y accidenta den e Yaris para na banda.
Den auto cu ne tabata encontra su yiu cu tambe a spanta naturalmente. Dirigiendo nan mes pa cas a accidenta y haya nan den un susto grandi. Ambulance a presenta y transporta ambos pa hospital pa chekeo medico.
