E minister encarga cu e ministerio di transporte no kier a bay den detaye riba e sentencia cu Corte di Empleadonan Publico a dicta dialuna ultimo. El a confirma cu e ta na altura di e conflicto, di e caso y di e sentencia pero e ta prefera di yega na un acuerdo cu dr. Marck Oduber prime y despues anuncia e resultado. Lo no negocia via prensa of den publico, e mandatario a aclaria. E no por bisa cu su meta ta pa core cu Oduber di su funcion ni tampoco pa pone bek como director di Meteo Aruba.
Lo sinta na mesa trankil y hunto lo yega na un solucion cu ta cumbini Gobierno, cu ta cumbini Marck Oduber y cu ta cumbini pais Aruba. Na final ta tene cuenta cu interes nacional den e tipo di casonan asina. A puntra e mandatario na mas di un ocasion cu si esey kiermen cu lo ofrece Marck Oduber un otro funcion den gobierno, pero el a opta pa no contesta of di no bay den detaye di e intencion di gobierno den e caso aki. Pa mas informacion lesa Trempan
