Dos auto a dal hopi duro y un pasahero masculino a keda herida. Esaki a sosode mainta diadomingo den careda di 10or na San Nicolas. Un Nissan Sentra riba Caya Jose Geerman direccion pariba a dal den un Toyota Yaris cu tabata saliendo riba Caribestraat cu ta keda pariba di Johnsons Supermarket.
E chauffeur cu e Sentra tabata bin cu velocidad hopi halto den un area habita. E chauffeur di e Yaris a calcula malo e velocidad halto di e Sentra. A sali y e impacto tabata fuerte. E chauffeur cu e Nissan Sentra a lastra un brake hopi largo y dal duro den banda di e Yaris. E daño material y e marca di brake ta confirma con duro e Sentra tabata riba caminda. E Yaris ta RHD y esey a scapa cu e chauffeur no a haya e sla den su banda. El a sali ileso.
Mientrastanto e pasahero sinta den e Sentra si a keda herida. Ambulance a presenta y asina nan a transporta e victima masculino pa Hospital. Polis di trafico a presenta pa asina haci investigacion. Ambos auto mester a ser movi cu takelwagen despues di e impacto mirando e daño cu a keda atras.
