Diabierna anochi a sosode un di dos accidente atrobe riba e crusada di Palm Beach. Mas trempan tabata tin un accidente y anochi a corona e dia cu uno hopi fuerte. Un Suzuki Vitara tabata bay direccion Playa biniendo for di Malmok. For di Wendys a pasa bay direccion hotel un Hyundai Getz. Ora cu el a bay pasa e di dos crusada, e chauffeur no a paga bon tino.
A pasa net dilanti di e Suzuki y e impacto tabata fuerte. Un hende cu a pasa y scucha e klap fuerte a bati alarma. Polisnan a yega mesora na e sitio y asina ta topa cu e autonan. E trafico tabata basta pisa. A cuminsa dirigi e trafico. A pidi ambulance pa un ocupante di e Hyundai. Un otro ocupante cu tabata den e Hyundai a disparce. Despues cu paramdiconan a atende cune, a busca takelwagen pa hala e autonan. Dor di e impacto, e Suzuki Vitara a pega tambe e Hyundai den palo di luz. Elmar su personal tambe a ser yama pa presenta na e sitio.
