Tabata pa mas of menos 12:30 am cu a sosode un accidente serio riba e caminda grandi di Savaneta, na altura di e oficina di Nagico. E accidente tabata entre un bus grandi di Arubus y un auto chikito Hyundai Getz. Chauffeur di e Getz a resulta seriamente herida y a keda pega den auto.
Varios unidad di ambulance, brandweer y polis a presenta na e sitio pa por a brinda asistencia. Chauffeur di e bus grandi di Arubus, B-66 a resulta levemente herida, mientras cu chauffeur di e auto chikito color geel, marca Hyundai modelo Getz, numera A-53589, a keda pega den auto.
Chauffeur di e bus a conta cu e tabata biniendo direccion Oranjestad sin ningun pasahero abordo y cu e auto a bin dal den dje. E lo a purba desvia y maniobra, pero no a logra. Pa e relato completo, lesa e edicion di TREMPAN di awe.
