Stichting The Heart of San Nicolaas cu grandioso Fundraising The Oscar’s Gala Night

Stichting The Heart of San Nicolaas cu ta maneha Teresita Center na San Nicolaas ta anuncia na grandioso fundraising cu yama The Oscar’s Gala Night. Stichting The Heart of San Nicolaas ta haci e fundraising aki pa asina recauda 50.000 fl pa realisa diferente proyecto, principalmente un cura nobo rond di e centro, cu ta importante pa e muchanan y hobennan cu ta uza e centro diariamente y comunidad di San Nicolaas en general. E Gala party aki lo tuma lugar na Renaissance Conference Center y lo ta dia 18 di november. Directiva di Stichting The Heart of San Nicolaas ta informa cu e anochi aki lo ta na encargo di DJ’S Metropolis y Mik’e Disco y nada mas y nada menos cu e fabuloso Robert y su Solo Banda Show lo percura pa e musica life. E fiesta ta cuminsa 19:00 y lo termina 1:00. Ta yama tur hende bonbini na porta cu un welcome drink y pa e damanan cu no tin pareha tin un ekipo di taxi-dancers e anochi ey pa yuda nan marca paso y disfruta di e anochi formidabel aki. Tur scol y compania ta invita pa participa na e anochi aki. Tin un gran cantidad di doorprize e anochi ey y lo tin un bar cu cushina tambe na encargo di Renaissance mes. Por yama pa carchi na 592 5129, 568 4409. Tambe lo tin carchi di benta na CITGO Essovill, CITGO San Nicolaas dilanti di misa Santa Teresita, CITGO Boulevard. Stichting The Heart of San Nicolaas ta sigura tur hende cu pa Fl 100,= pa persona lo bo pasa un anochi super y inolvidabel aportando na un bon causa na fabor di nos muchanan, hobennan y grandinan di San Nicolaas y su barionan.