Accidente cu hende herida na Paradera

Un señora cu un Kia Picanto a caba di Sali for di Restaurant na Paradera. El a busca su cuminda pa bay cas. Ora el a Sali cu e Kia Picanto un Yaris tabata biniendo.

E chauffeur a bisa cu e no a mira e Yaris ta bin y a scucha un klap. E impacto tabata den su banda di pasahero. E dama chauffeur den e Yaris a keda herida levemente. E seatbelt a causa daño na e persona aki. Polis di trafico a presenta pa duna un man na e investigacion. E autonan a haya daño material cu ta core den algun mil florin pa e wordo drecha.