Despues di 4.30 di atardi ta sosode un accidente riba Green Corridor cu ta percura pa un pegamento formal den trafico. E accidente a sosode net un poco despues di e rotonde banda di ex Drive-In bayendo direccion pariba.
Na e sitio a bin tende cu tabatin 4 auto envolvi pero uno a sigui su caminda, pa motibonan desconoci. Loke por a compronde eybou ta cu un pick-up a brake y e parti patras a swing dal den un Nissan. E pick-up mes a sigui dal den un pick-up. E ultimo aki a dal den un otro Nissan cu a sigui su caminda.
Ambulance a yega na e sitio pero no tabatin persona herida. Loke si a sosode ta cu e accidente chikito aki a causa cu e trafico a pega formal pa un rato largo.
