Diabierna anochi pa mas of menos 10’or, polis a wordo poni na altura di un accidente entre un auto y un brommer poco mas p’ariba di Dream House Bar Restaurant. Na e sitio por a scucha cu e brommer a bay pasa un auto, pero ta topa cu otro auto y ta dal contra esaki.
E chauffeur di e vehiculo lo a purba di maniobra pa evita e impacto, pero esaki tabata envano. Despues di e accidente cos a medio bay for di man, ora mas hende a yega na e sitio. Mesora a dirigi mas patruya poco pura pa e luga pa asina evita cu cos por escala..
Polis a cera e caminda, debi na restonan di pieza cu a keda gespart riba caminda. Paramediconan na yegada a atende cu e motociclista cu tabata herida, y despues a sali direccion Hospital cune. Daño material ta considerabel.
