Colors and Paint Supplies tin un campaña importante pa loke ta Dia di San Valentin. Abo tambe por forma parti di e campaña aki cu nan tin den e dianan aki. Tin mas campaña interesante cu e compania tin.
Actualmente nan tin e campaña di Like & Share e video di Sea Salt, den cuadro cu Dia di San Valentin. Djis subi riba e pagina di Colors and Paint Supplies, like y share, pa bo participa pa gana un dinner for two den Sea Salt.
Tambe nan tin un special riba joint compound. Nan tin’e na un super bon prijs. Tin cu djis bin cu plattegrond unda cu lo bay instal’e hunto cu e midinan y e empleadonan servicial di Colors and Paint Supplies ta cla pa yudabo.
Si bo kier pone yerba articial den bo cura pa bo yiunan por hunga, of si bo ta forma parti di un club y kier traha un veld special pa hunga futbol, pasa na Colors and Paint Supplies y bo por haya tur loke bo tin mester.
Bo ta cansa di stof, di piedra, bo por instala e pida aki di yerba y bo ta cla. E ta keda masha bunita den bo cura. Ni awa bo mester gasta, pasobra e ta un yerba duradero.
Carol Croes a splica cu loke ta importante pa bin cu plattegrond y midinan tuma. Nan tin rolnan cu nan tin cu corta y ta depende con bo ta instal’e a base di e midinan. Tambe nan tin nan expertonan cu sa tambe riba esaki, cu por duna un idea con por pone e yerba artificialnan aki.
Prijsnan no ta di conta mes, nan tin’e na 30 florin pa meter cuadra, cual ta riba special. Nan tin e campaña tambe riba e Joint Compound. Bo por ripara cu e prijsnan ta hopi competitivo.
Fuera di e yerbanan artificial, nan tin garden tiles, cu por lanta e balor di bo cas. No solamente esey. E ta agradabel pa bo tin’e den bo hardin of caminda cu bo tin pool, etc. den bo cura.
E muchanan lo hunga masha dushi mes riba e tipo di materialnan aki.
Y loke ta mas interesante, cu bo mes por pone e gardentilesnan aki. Bo ta djis pone nan na otro y por wanta hopi peso. Bo mes por arma e tilesnan aki. No mester ningun hende experto pa bin arma e tilesnan aki na bo cas. Bo mes por arme.
Hopi hende ta pidiendo pa e yerbanan artificial. Tambe clubnan ta hopi interesa den e yerbanan artificial.
PPG paints
Fuera di yerba artificial y garden tiles, Colors and Paints Supplies ta bende e verfnan di marca PPG paints. Ta verfnan cu a keda proba cu nan ta un di e miho verfnan cu tin y nan ta na bon prijs. Tin expertonan di verf cu por yudabo. Tambe nan tin un cantidad di material y producto cu por yudabo den bo proyecto.
Bo ta haya gun, thinner, etc. Tambe tin e baki, rolnan, kwashi na cantidad, pa hasta coy tur skina cu tin di bo muraya y cas.
Tur esey y mas bo ta haya na Colors and Paints Supplies.
E special pa e siman aki ta Joint Compound cual ta na balor di 15 florin. E prijs normal ta 27,50 pa un pail. Ta un oferta unico na Aruba. Cu cada verf bo ta haya cu e ta bira 15 florin. Tambe tin otro verfnan cu ta riba bon prijs. Tin verfnan di paden y verfnan di pafo. E verfnan di paden ta sin holo, sin molestia ningun hende.
Tambe nan tin productonan pa pafo, cu ta proteha contra salpeter, biento, etc. Tambe nan tin nan paint sensation. Ta un di e partinan special, cu bo ta hinca den verf. E ta duna e verf un dushi holo pa tres luna. E por ta un holo di citrus, di cool linnen, cual por mescla den e verf y cu cualkier color cu bo kier, e ta keda hopi bunita cu un holor agradabel.
Reaccion
PPG Paints ta un verf appart y di calidad. E ta un verf unico den su tipo. Pa basta aña caba nan ta top na mundo. E ta hopi bon pa nos clima. Semper ta test e verfnan aki pa salpeter, solo, awa, y asina por sigui. Ta testnan prome cu bende nan.
Pa bo cas Colors and Paints Supplies ta cla pa yudabo den kico cu ta. Si bo kier un color special, bo ta bin cu bo color, y cu nan mashinnan special, ta mescla e color di bo gusto. Y si bo kier un hende bay wak e trabao di bo nieuwbouw, tambe Colors and paints Supplies por manda nan experto, y ta yudabo cu e servicio cu nan tin. Nan tin tur material. Si bo no kier susha bo vloer, nan tin cos pa habri riba vloer, e tape special, e plastic special, e verf di calidad, di tur color. Si bo tin un color cu bo kier y bo no por hay’e, bo ta yega na Colors and Paints Supplies ta traha e color pabo. Tur cos ta danki na e verfnan di PPG Paints cu bo ta haya na Colors and Paints Supplies. Nan ta situa na LG Smith Boulevard 124 Unit 2, net patras di CMB Insurance. Manera bo yega bo ta yega topa cun’e. Pasa y wak pa bo mes.
