Un team special di polis a para un auto marca Toyota modelo Yaris riba Green Corridor na altura di Young Fellow Bar. Ora a controla, un holor fuerte di marihuana tabata sali for di e auto. A bay mesora na detencion mirando cu e tabatin basta puchi di marihuana den e auto.
Esey no ta tur, a topa tambe cu un arma di candela den e auto. Y manera ta conoci, ta den poder di un arma di candela sin permiso di gobierno, ta castigabel den nos ley penal.
Polis forensico a presenta p’asina saca potret pa por contribui na e proceso investigativo. Ki tipo di arma e ta, ta desconoci te na e momentonan aki.
A transporta e sospechoso pa warda di polis pendiente investigacion. E auto no tabatin ningun documento valido, pa cual motibo a confisc’e y hib’e pa warda di Balashi.