Diadomingo marduga alrededor di 1:00 am a surgi un problema na Chupitoz Shots Bar na Arawak Garden. Aki ta caminda cu dos grupo a enfrenta otro pa regla un cu e otro. Despues di basta intercambio di palabra formal, un partido a haya ta bon pa tir’un boter den direccion di e otro.
E boter a alcansa frenta di un hoben, di cual a bati alarma mesora na polis. Na yegada di polis, berdad a topa cu un hoben c’un kap na cabes. A tuma tur informacion necesario p’asin contribui n’e proceso investigativo. Na final, ambulance tambe a presenta pa atende cu e victima, a transport’e pa hospital p’e ricibi atencion medico avansa.
