Algun unidad di polis a sigui y para un vehiculo cu a hit and run un otro auto na altura di rotonde di wendy’s boulevard. E persona a indica cu un chauffeur tras di stuur di un Kia Rio a pasa dal su vehiculo, cu ta un Honda accord y sigui core manera nada un pasa.
Esaki a tuma luga den careda di 5:15 pm. Por a compronde na sitio cu e otro vehiculo a sigui e Kia Rio for di rotonde, riba L.G.Smith Boulevard y terminda den Maria Christinastraat dilanti oficina di Volkskrediet Bank na Lagoen na momento cu e patruyanan a lorga para dicho chauffeur.
A chaffeur di e vehiculo cu a ricibi daño a intercambia algun palabra cu esun cu a Hit and run su auto. Daño material no ta mucho grandi pero e ta na cada persona pa ta responsabel na momento di ocacciona un accidente pa keda sitio y atende cu e situacion. No lag’e bira un mal custumber manera ta tumando luga cada biaha.
