Manera cu a sinti falta di su brommernan el a cuminsa un buskeda grandi den area di Kudawecha. Algun tip di oro a drenta y a logra localisa e brommernan bek na Sero Janchi.
Esaki a tuma luga diaranson mainta trempan ora cu habitante di Kudawecha a tuma nota cu su brommernan ta faltando. Ta trata di un brommer di color oranje, blanco y preto como tambe un dirtbike Hilux color blauw.
Mesora a cuminsa un buskeda den e mondinan den area pero sin resultado. A opta pa pone denuncia na polis mientras a sigui busca. Diferente yamada a drenta cu a mira e brommernan aki scondi den mondi na Sero janchi.
Ladronnan no tabatin suerte cu e scondemento aki.
Patruyanan a yega sitio y a bin topa cu e dos brommer bon scondi den un casita bandona. Polis a confisca e brommernan y transporta nan pa warda caminda investigacion lo saca afo kico a tuma luga, prome cu entrega nan bek na e doño.
