Diabierna anochi un team di representantenan di e marca Gucci, Dior, Louis Vuitton y Chanel na Aruba hunto cu deurwaarder a drenta por lo menos cuater pacus den zona hotelero pa cu mercancia di marca falso. A yena entre diesdos pa diesocho saco preto grandi di sushi completamente yen cu slof, bril, tas, cartera y carson di marca falso di entre otro Gucci, Dior, Louis Vuitton y Chanel. E pacusnan aki no tin permiso pa bende e marcanan aki y pio si nan ta falso.
Ta trata di tiendanan cu ta bende souvenir cu a haya ta bon di importa mercancia falso pa bende. Ora a mira e prijsnan, no ta trata di prijs barata sino entre $300 pa $400 pa producto y pa colmo; falso. Por mira bek riba un accion exitoso. A kita basta mercancia di marca falso for di circulacion. No ta descarta mas di tipo di accionnan asina den e dianan nos dilanti.
