Diadomingo marduga den careda di 3or e team Special di Polis haciendo control banda di Hot Zone a gara un homber cu arma di candela. Despues di mira su movecion straño, a bay over na acerk’e y listr’e a base di listramento preventivo. E listramento a duna su fruto. E homber a dicidi di bay trip den zona di Gusto y bon arma.
E arma a keda confisca. A pidi personal di CEA pa presenta cu e transporte special pa hiba e sospechoso warda di Polis na Shaba. Interogacion lo cuminsa mesora pa mira unda a haya e arma. Tambe kiko tabata intencion cu e arma den zona di entretenimento.
