A detene chauffeur y ocupante cu a huy dos biaha pa Polis

6965

Den oranan di anochi pasa di 8or un patruya den e area di Paardenbaaistraat a duna ordo na un chauffeur pa e stop.

Tabata un auto Cube color cora. E chauffeur a core bay laga Polis. Polisnan a cuminsa buske rond den e area di Rancho. Nan no a topa cune. Dado momento dos agente na pia banda di Royal Plaza a topa cune y a dune señal pa e stop.

E chauffeur a bay laga e dos agentenan na pia tambe. Nan a mira cu el bay direccion pabou riba LG Smith Blvd. Mas unidad di Polis a cuminsa tira bista y ta topa cu e auto banda di Wendy’s Blvd. A duna ordo pa para y blokia su pasada. A pidi refuerso cu a yega den menos cu un minuut.

A manda e chauffeur plat na tera. Patras a topa un hende bou influencia cu tabata basta agresivo. A detene tambe. Dos detencion pareu. E chauffeur mester bay duna cuenta. E auto a ser tuma den beslag.

Comments

comments