A pidi presencia di polis na crusada di Sero Pita pa un accidente caminda cu un turista a resulta herida. A pidi presencia di ambulance na e sitio.
Esaki a tuma luga den careda di 12:30 pm caminda un chauffeur no a duna preferencia y ocasiona un accidente basta fuerte. Na sitio por a compronde cu tabata trata di un Isuzu pickup y un V-car Suzuki. No por a evita e impacto aunke afortunadamente velocidad no tabata halto.
Paramediconan a cuminsa atende cu e persona herida na sitio mirando cu e no tabata desea di bay cu ambulance pa hopsital. No a resulta cu herida grave. Un rato despues takelwagen a presenta a hala e vehiculo for di caminda.
