Awe 18 october ta Dia Internacional pa Conscientisa riba Traficacion di Hende. Coordinatiecentrum Mensenhandel en Mensensmokkel Aruba (CMMA) hunto cu algun partner a organisa un caminata silencioso p’asina di e forma ey conscientisa comunidad riba e acto castigabel. E caminata a cuminsa for di Djispie’s Place y a termina na Plaza Daniel Leo. Tur hende cu nan tapaboca y nan flanel preto bisti, claro cu e mensahe tambe pa ‘STOP TRAFICACION DI HENDE’. Jeannette Richardson-Baars ta encabesa CMMA, el a conta cu; a conta cu participacion di hopi studiante di scol di polis, ta cual ta futuro profesional nan cu den algun aña lo sa di traha cu tipo di caso asina.
Ora ta drenta di “mensen handel en mensen smokkel” por pensa dibiaha riba e traficacion di hende, hopi biaha ta sosode via boto. Pero tin cu pensa e aspecto di, uza e personanan aki contra nan boluntad. Mayoria biaha ta haci promesa falso cu despues no ta cumpli, manera; regla permiso, regla un hogar, un bon salario y mas. Ora yega nos isla nan ta haya nan mes enfrenta den un situacion hopi dificil caminda ta paga nan menos placa, no tin derecho di vakantie y hasta abusa di nan. Minister Rocco Tjon a enfatisa cu mayoria biaha ta topa cu tipo di acto nan asina den e sector di construccion. Tjon y Wever-Croes ta sostene tipo di iniciativa asina di parti di CMMA.
