Durante e wikènt di 23 i 24 di september ultimo Ailén Mena ta logra retene su titulo komo kampion femenino di Ahedres. Ailen ta logra e hazaña aki pa di 5 aña konsekutivo i ku un skor perfekto di sinku punto for di sinku wega.
No menos ku 18 ahedresista a partisipa na e kampeonato 2017 organisá pa FEDAKO (Federashon di Ahedres Kòrsou) na Lions Dive & Beach Resort kual a bin ta spònser e
evento aki e ultimo 6 añanan. E kampeonato a konsisti di 5 buelta segun e sistema suiso i tabata fuerte e ana aki mirando e kantidat haltu di partisipantenan ku ta tin eksperensia internashonal. Ailén Mena a hanya fuerte bataya durante diferente wega, espesialmente den su weganan kontra Taqesyah Marcos i Seydi Salim Moussa, pero na final niun di e dos damanan aki no a logra di kita ni mitar punto for di e kampion ku a bin bon prepara pa defende su titulo. Durante e seremonia di premiashon ex-Minister di Enseñansa Siensia KuItura i Deporte Lionel Jansen a hasi entrega di premio despues di a dirigi algun palabranan di
inspirashon i motivashon na prinsipalmente e partisipantenan hobenan. FEDAKO por mira atras riba otro evento hopi eksitoso i ta spera di mira mas kresementu den futuro den e kantidat di partisipantenan femenino na e deporte noble di ahedres. E resultadonan final di e kampeonato femenino 2017 tabata lo siguiente.
Kategoria Overall:
1) WFM Ailén Mena (5 punto)
2) Mariana Sanchez (4 punto)
3) WCM Seydi Salim-Moussa (4 punto)
Kategoria bou di 18 aña:
1) WFM Ailén Mena (5 punto)
2) Mariana Sanchez (4 punto)
3) Taqesyah Marcos (3,5 punto)
Kategoria bou di 12 aña:
1) Monica Dovale (2,5 punto)
2) Diantely Pourier (2 punto)
3) Brenda Mena (2 punto)
Reglamentu i kondishon pa kampeonato femenino 2016.
Den 2016 FEDAKO ku auspisio di Lions Dive beach Resort pa di 5 aña konsekutivo ta
organisá e kampeonato femenino di Kòrsou. Ta trata di e evento di ahedres nashonal di
mas importante pa ahedresistanan femenino.
Luga:
Lions Dive Beach Resort (Bapor Kibra) den e sala di reunion prinsipal.
Fecha:
1 i 2 di òktober 2016.
Programa:
Registrashon.
Djasabra 1 òktober 2016 di 09:30 ‘or pa 10:00 ‘or.
Por registra adelanta tambe via telefon 512 0007 of via e-mail
[email protected]
Inskripshon ta fl. 10 pa miembronan di FEDAKO i 5 florin pa hobennan bou di
21 aña.
Apertura.
Diasabra 1 di òktober pa 10:30 ‘or di mainta.
Skèdjel di wega
Buelta nr. 1 ta kuminsá djasabra 1 di oktober 11:00 ‘or
Buelta nr. 2 i 3 ta kuminsá djasabra 15 minut despues di e ultimo wega di e
buelta prome.
Buelta nr. 4 ta kuminsá djadumingu 2 di oktober 13:00 ‘or.
Buelta nr. 5 (ultimo) ta kuminsa 15:30 ‘or.
Seremonia di premiashon
Djadumingu 2 oktober 2016 pa 18:00 ‘or.
Award pa finalistanan number 1, 2 i 3.
Medayanan pa 3 miho finalistanan U 20
Medayanan pa 3 miho finalistanan U 14
Klousura
Alrededor 19:00 ‘or.
Sistema di wega:
5 buelta segun e sistema Suiso. Den kaso ku kantidat di partisipantenan no ta pareu, e
hungado ku no tin kontrinkante lo haña un punto di bye.
Ritmo di wega:
60 minut pa kada persona pa kada wega mas 30 sekonde di inkrementashon pa kada
movida.
Regla di wega:
Lo aplika reglanan konforme regulashonnan di FIDE.
Un hungador ta perde, si e no presenta pa hasi su prome movida den 30 minut ku wega
kuminsa.
Sistema di desempate na final:
E kantidat total di punto atkeri lo determina e puestonan na final.
Den kaso di empate na prome luga entre 2 persona, e sekuensia pa desempate
lo ta:
o Resultado di enkuentro direkto (mutual score) entre e dos hungadornan.
o Si no ta tin enkuentro direkto of un ganado di esaki, e dos finalistanan lo
hunga dos wega di 5 minut basiko i 3 sekonde di inkrementashon pa
kada movida.
o Si ainda no tin un ganado, nan dos lo hunga un wega di Armageddon
kaminda blanku lo hanya 6 minut i pretu 5 minut pa pensa, anto pretu lo
tin sufisiente pa gana tambe ku un tabla. Den tur weganan di
Armageddon lo lot pa kolo.
Den kaso di empate na prome luga entre 3 persona, e sekuensia pa desempate
lo ta:
o Resultado di enkuentro direkto (mutual score) entre e tres hungadornan.
o Si no por saka un ganado for di enkuentro direkto, e tres finalistanan
kada lo hunga dos wega (1x ku blanku i 1x ku pretu) di 5 minut basiko i
3 sekonde di inkrementashon pa kada movida pa saka un ganado. Si nan
tres keda tabla lo bolbe ripiti e dos weganan, pero kada biaha ku 1 minut
basiko menos. Na momentu ku resulta ku dos di e tres hungadonan ta
empata ku mas puntu ku e di tres, nan dos lo hunga un wega di
Armageddon kaminda blanku lo hanya 6 minut i pretu 5 minut pa pensa,
anto pretu lo tin sufisiente pa gana tambe ku un tabla.
Den kaso di empate na prome luga entre 4 persona, e sekuensia pa desempate
lo ta:
o Resultado di enkuentro direkto (mutual score) entre e kuater
hungadornan.
o Si no por saka un ganado for di enkuentro direkto, lo lot entre e
finalistanan pa dos hunga un semi-final i e dos otronan tambe hunga un
otro semi-final (1x ku blanku i 1x ku pretu) di 5 minut basiko i 3 sekonde
di inkrementashon pa kada movida. E dos ganadornan di semi-final lo
enfrenta otro den dos wega di final (1x ku blanku i 1x ku pretu) di 5
minut basiko i 3 sekonde di inkrementashon pa kada movida. Si e dos
weganan di semi-final of di final no saka ganado(nan) lo hunga un wega
di Armageddon kaminda blanku lo hanya 6 minut i pretu 5 minut pa
pensa i pretu lo tin sufisiente tambe pa gana si e wega aki resulta den
empate.
Den kaso di empate pa tur otro puesto ku no ta prome luga, lo aplika e
siguiente sistema pa desempate (usando e standing final despues di buelta 5):
o Medio Bucholz
o Bucholz
o Progressive score
Den kaso ku presenta un situashon ku no ta preskribi den e regulashon aki, e
desishon final ta keda den man di e Arbiter prinsipal i e Organisado.