WONCA ta e organisashon mundial di dòkternan di kas. Kada dos aña e organisashon aki ta organisá un konferensia ku diferente tema, pa por mantené tur dòkter al dia di teknologianan i forma nan di proseder nobo riba tereno di medisina
E aña aki título di e konferensia ta “Primary Care in the Future, Professional Excelence”
Durante di e konferensia, diferente gruponan di trabou ta profundisá nan mes riba diferente tópiko ku tin relashon ku e tema prinsipal di e konferensia, por ehèmpel;
Grupo di trabou a atendé temanan manera;
- Salú mental
- Salu di hende hòmber
- Salu di hende muhé komo “Caregiver i Care Taker”
E konferensia aki ta wòrdu bishita pa diferente paisnan rònt mundu, manera;
Brasil, Israel, Tailandia, New Zeeland, Nigeria, Iran, Egipto, Australia, Nepal, Malawi, Spaña, Estádos Unídos, Indonesia, Filipina, Vietnam, Uganda, UK, Kòrsou, Sri Lanka, Líbano, Sur Afrika, Turkia i opviamente Kòrsou.
Nos presidente a partisipá den un seshon di un grupo di trabou, kaminda a trata temanan di suma importansia, manera entre otro;
- Nesesidat i retonan den salú di hende muhé
- E lider den bo komo hende muhé
- Krese pa yega na ekselensia den profesionalismo
- Transishon i resistensia (veerkracht) den e bida di un hende muhé profeshonal
Nos presidente su persona ta miembro pa mas ku 10 aña di Wonca “Working Party of Women in Family Medicine” I e ta representá area di Karibe na e konferensia aki.
Komo miembro di e asosashon di dòkter di kas den Karibe (CCFP), asosashon di dòkter di kas di Kòrsou (CHV) i tambe NASKHO e organisashon ku ta responsabel pa mantené dòkternan na Kòrsou na nivel pa loke ta trata salubridat. Ta su tarea pa na final di e konferensia aki traha un rapòrt i entrega esaki na kada un di e organisashonnan aki.
Nos ta sumamente orguyoso di aparte di ku e tei presente pa representá e área di Karibe, e tey pa representá mi dushi isla Kòrsou tambe i semper den kualke kombersashon ku e ta sostené e ta señalá kosnan positivo tantu riba tereno médiko, turismo i di nos polítika di nos dushi Kòrsou.