Ayera henter dia riba rednan social a tuma nota di e nombramento di e conocido ex-abogado y hurista mr. Edwin Duijneveld como “Staffunctionaris primair onderwijs” na DPS. Tambe a mira algun reaccion contra e nombramento aki. Nos a compronde cu di cuminsamento di aña pasa caba mr. Duijneveld a solicita cerca e Minister anterior. Locual hopi hende no sa ta cu mr. Duijneveld a traha basta aña den enseñanza na Aruba, prome cu el a bira abogado.
Dor di problema cu husticia pa algo cu a sosode na 2007, na aña 2015 a prohibi mr. Duijneveld di traha como abogado, pero si por a sigi traha como hurista y a sigui bay Corte pa defende ambtenaarnan pa diferente sindicato te awe.
Parce cu a base di su solicitud di aña pasa, a papia cu Minister Lampe na januari y dor di e combinacion di estudionan di mr. Duijneveld y e necesidad di un hende capacita pa e funcion di “Staffunctionaris primair onderwijs” e Minister a dicidi di tuma mr. Duijneveld den servicio di DPS.
