DIMAS tabatin un proyecto yama Dreamers. Mr. Kathy Ruiz-Paskel, Director di DIMAS a splica cu e proyecto a cuminsa den 2017 entre luna di Mei pa Juni.
Hopi aplicante a mustra interes, cu ta stranheronan cu mas cu 10 aña na Aruba cu of sin permiso y di cual 5 di e añanan ey nan tabata na Aruba como menor. DIMAS a ricibi 888 peticion di cual a otorga 614 permiso, a nenga 4 y tin algun cu ta den sistema, pero cu no a otorga e personanan ainda. Por bisa cu un gran parti a haya un firma liber como Dreamers.
E personanan aki awor aki tin un titulo di estadia y no mester acudi anualmente mas pa renobacion. Esey tabata un proyecto specificamente pa atende e muchanan cu pa un of otro motibo e mayornan kisas no a regla nan permiso consecutivamente y a haci cu na final, ora cu nan a bira mayor di edad, nan tabata sinta cu un periodo cu nan no tabata full legal. Dreamers ta dek esey.
Actualmente no tin un proyecto igual vigente, pero si ta un grupo cu ainda ta topa cu casonan individual cu ta similar na esaki y lo mester evalua ki conseho ta duna den e casonan individual. Pero pa loke ta proyecto, no tin nada canando actualmente.
